НЬЮ СЕВЕР ХХК - Үндэсний үйлдвэрлэгч

Керамзит гэж юу болох тухай ойлголт авахын тулд юуны өмнө түүний бүтэц болон үйлдвэрлэлийн онцлогийг судалж мэдэх шаардлагатай.  Керамзитын үйлдвэрлэлийн түүхий эд нь шавар. Шаврын бүтэц, чанарын онцлогоор нь үйлдвэрлэгдэж буй керамзитын чанарыг тодорхойлно.  Бид өөрийн үйлдвэртээ Налайхын ордоос зориулалтын шаврыг олборлож хэрэглэдэг. Өндөр чанарын түүхий эд, түүний боловсруулалтанд шилдэг технологи ашигласнаар манай орны хэмжээнд керамзитын асгаасан эзлэхүүний нягтын тэргүүлэх үзүүлэлт (450-аас 500кг/м3 хүртэл)-ийг хангаж чадсан юм. Дулаалгын материал хэдий чинээ хөнгөн байх тутам төдий чинээ дулаан байна. Керамзитын хөнгөн чанар нь түүний үрэл нэг бүрийн дотор агаарын бөмбөлөг агуулагдсанаар керамзитыг дулаан тусгаарлах онцгой шинж чанартай болгож байгаа юм.

ШАВРЫГ ЯМАР БАЙДЛААР КЕРАМЗИТ БОЛГОЖ БАЙНА ВЭ?

Үйлдвэрт нийлүүлэгдэж байгаа шаврыг овоолго болгон хадгалах ба тэндээс түүнийг бульдозероор түрж цехэд өгснөөр шаврын боловсруулалтын үйл ажиллагаа эхлэх бөгөөд  хэд хэдэн үе шатыг дамжиж боловсруулагдана. Үүнд:

1. Шавар сийрэгжүүлэгчээр буталж, жижиглэнэ.
2. Чулуу ялгагч булаар шаврыг цэвэрлэнэ.
3. Шаврыг нүхжүүлсэн булаар зүсэж үрэлжүүлнэ./хорголжин хэлбэрт оруулна/
4. Үрэлжүүлсэн шаврыг эргэх зууханд дамжуулан өгч, 10000 C-аас дээш температурт шатаана.
5. Шатааж гаргасан үрлүүдийг хөргөгч камерт хөргөнө.
6. Керамзитыг доригуурт шигшүүрээр шигшиж ширхэгүүдээр ялган ангилана.

Эцэст нь бид хөөсөрсөн хөнгөн шавар үрлийг төрөл бүрийн ширхэгээр гаргаж авна.           0-5 мм , 5-10 мм ба 20-40 мм.

КЕРАМЗИТ ЮУГААРАА ҮНЭ ЦЭНЭТЭЙ ВЭ?

Керамзитыг үйлдвэрлэхдээ ямар нэгэн химийн хортой бодис ашигдадаггүй бөгөөд зөвхөн шавар хэрэглэдэг. Асар өндөр темпертурын үйлчлэлээр хөөсөрсөн үрэл нь:

1. Дулаан хадгалах чадвар сайн
2. Дуу тусгаарлалт өндөр
3. Бат бэх, удаан эдэлгээ
4. Хүйтэнд тэсвэртэй
5. Чийгт тэсвэртэй
6. Галд шатахгүй
7. Хөнгөн жин гэх мэт шинж чанаруудыг өөртөө агуулдаг.

Керамзит нь дээрх давуу талыг агуулдаг учир өнөөдөр бүхий л салбарт хэрэглэгдэх болсон. Жишээ нь:

1. Керамзитбетон гулдмайн/блок/ үйлдвэрлэл
2. Өрлөгийн “дулаан” зуурмаг бэлтгэлт
3. Суурь, шал, хана ба дээврийн дуу тусгаарлалт, дулаалга
4. Гүүр, далан ба бусад бүтээцийн хийцэнд
5. Яндан хоолойн дулаан тусгаарлалт, ус шүүрүүлэлт
6. Ургамал болон газар тариалангийн салбар

Танд гурван төрлийн ширхэглэлийн керамзитыг санал болгож байна.

20-40 ММ ШИРХЭГЛЭЛИЙН КЕРАМЗИТ ХАЙРГА

20-40 мм ширхэгийн керамзит хайрга хамгийн бага асгаасан нягттай учраас зоорь, барилгын суурь, дээврийн өрөө тасалгааны асгаасан дулаалга болгон хэрэглэхэд зохистой. Өөрөөр  хэлбэл их хэмжээний дулаалгын үе  шаардагдах хэсэгт хэрэглэнэ гэсэн үг юм. Энэ ширхэгийн керамзитыг том мод, бут сөөг суулгах үед шүүрүүлэгч болгон ашиглахад илүү тохиромжтой.
Асгаасан нягтын марк, кг/м3                               400-450 (М250)
Бат бэхийн марк, МПа                                         0,3-1,0
Дулаан дамжуулалтын итгэлцүүр,Вт/м0С          0,03-0,08
Хүйтэн тэсвэрлэлт, мөчлөг                                  F15

5-10 ММ ШИРХЭГИЙН КЕРАМЗИТ ХАЙРГА

Хамгийн  их эрэлт хэрэгцээтэй барилгын материал.

Яагаад эрэлт хэрэгцээ их байгаа вэ?

1. 5-10 мм-ийн керамзит хайргыг герман технологиор хийгдэх “дулаан” шалны ажилд, гипсэн долигоонт хавтангийн дор асгаас байдлаар ашиглана.
2. Энэ ширхэгийн керамзитийг дэвшилтэд технологиор хийгдэх барилгын гадна нүүрэн талын гадаргууны дулаалганд  керамзитийг багахан хэмжээний цементтэй хольж хутган барилгын даацын бүтээц ба өнгөлгөөний үеийн хоорондын хөндийд цутгаж хэрэглэнэ. Энэ байдлаар хийсэн дулаалгын үеийг “капсимет” гэж нэрлэдэг.
3. 5-10 мм ширхэгийн керамзитбетон хийц, бүтээцийн үйлдвэрлэлд юугаар ч сольшгүй түүхий эд буюу дүүргэгч материал нь болдог. Тухайлбал:

 Керамзитын  бүхий л үнэ цэнэтэй шинж чанаруудыг шингээсэн керамзитбетон гулдмайн үйлдвэрлэлд дүүргэгч болгон хэрэглэнэ.

КЕРАМЗИТ ЭЛС 0-5 ММ

Үрлийн 5 мм-ээс бага хэмжээтэй керамзитыг “керамзит элс” гэж нэрлэдэг. Барилгын шалны ажлын үед цементэн тэгшилгээнд керамзит элсийг голчлон хэрэглэнэ.

 Керамзит элсээр бэлтгэсэн цементэн тэгшилгээ нь зөвхөн тэгшлээд зогсохгүй шалыг илүү дулаан болгох ач холбогдолтой. Энэ ширхэгийн керамзитыг төрөл бүрийн бетонон эдлэхүүний үйлдвэрлэлд жижиг ширхэгийн дүүргэгч болгон ашиглана. Керамзит элсийг барилгын үйлдвэрлэл төдийгүй ургамал газар тариалангийн салбарт ус шүүрүүлэх болон гидропон системийн байгуууламжинд дүүргэгч байдлаар өргөн ашигладаг.